بوقلات جزائرية

✿المدير العام✿

السلام عليكم ورحمة الله و بركاته

يا اهل المنتدى

هذي مجموعة من البوقلات الجزائرية و الهدف منها التسلية لا غير

قالمكتوب يعلم بيه العالي مولانا

اولا اعقدوا
ثانيا تمنوا حاجة
ثالثا اختاروا رقم من 1 حتى 29

1**في يدي القمح لمسبل و مليت حجري ترفاس اوسعدي الزين المدلل تاجي فوق الراس على عهدي ما نتبدل كي تدور قاع الناس.

الفحالة عندها حدت و القباحة عندها وصلت**2

3**انت ساعة و انا رقاص فيك انت خاتم و انا مرجان فيك نطلعو لراس الجبل و الي تلحق بكري تديك

يا المزوق من البرى وش حالك من الداخل**4

5**اعطاك الزين و طباعك الحنة كحل العين واتاك .. و ردة في الجنينة في يد اللي حذاك يحفضك ربي من لعوينة ويخليلك الي بغاك

6**غرست و ردة في محبس كبرت و دارت الشوك و اش اداني نمسها حتى و ليت مهلوك
7**شعري كحل و عينيا شهل .. فيا ليل و نهار و ما تمل قلتلو يا جميل يا ولد فلان اذا عينك فيا ارواح خبر والديا

قالوعلاش العين الكحلة ما تفناش قلتلهم اللى نحبها مازال ماجاتش**8

9**ليل كامل وانا عند باب دارهم انوح حشمتك ياسيدي عيسى وياسيدى نوح اعطوني بنتكم وخليني نروح

10**الناس تنده بالرجال و الوالي ... انا ننده بربي العالي .. اذا حبيتوا ديروا بحالي

11**حبيبك حبوا و السر اللي بيناتكم خبيه .. و اذا حبك حبو اكثر و اكثر اذا نساك لا تسال عليه

12**طلعت للجنان وفرشت زربية لبست القطيفة وغطيت رجليا ودرت قرطاس ذهب حتى
لوذنيا افرحي يا حبيبي ولى ليا نستشفى فى العدو كيما استشفى فيا

13**انتيا نجمة ضوات ليلا من تحت السحاب تلالا كي شفتك وحدت الله ما خلق يا مولايا قلتلك تحبني قلتي لا لا

14**شفت ثلاث بنات في وسط الدار الأولى قالت زهري محبوب و الثانية قالت
زهري مكتوب و الثالثة جميلة قالت زهري مع المحبوب انا خيرت دعوة الخير تشفع
فيا و تنحيلي الذنوب

15**على النبي صليت و على صاحبوا رضيت .. و عيطت يا خالقي يا مغيث كل مغياث
.. يا خالق كل شيء دايراتك مفتاح كل خير.. ديرلي يا ربي في الدنيا خير

16**انت خمرية والناس تشوف فيك زهوانية وانت فى روحك برانية وتقولي نبغي اللي ليحوس بيا

17**قلبي في نار الغرام مكوي .. يا يما شوفي ما صر بيا ذاك الزين اسلبني الحاجب و العين راني شادة فيه ليوم الدين

18**قولو اللي ذاق صبرو يشد في حبال الرجاء و علاش يتنكد ياك ربي العالي ما يضيع حد

19**رونت الحنة بالزهر و المسك و العنب بخور ولقيت كفي للتمر و خرجت البدر ادور..اقعد و استقيم الزهور اللي كانت تحت البحور

**ماني طبسى نتكسر ماني وردة تذبال راني خاتم دهب ولويزة في يد سيد الرجال20

21**فاطمة ياكحلة العيون وين ما تكوني نرسك مرسول آدا سكنتي البحر نرسك
عوامة وأدا أنت في السما نرسك حمامة وأنت شابة ما نديك غير إنا

يا مولاة ذاك الجنان عينيك و حواجبك نيلة قلبي حصل عندك و ماصبتلوا حيلة**22

23**هبطت البحر و صبت ثلاث خطاب واحد فارس الفرسان و الثانى كاشف الأحلام يتمتاك ترحلي معاه

24**غرست شجرة الرمان واسقينها حتى نورت وجابت الثمار وادعيت ربى إن شاء الله يجمعني بالحبيب في وسط النهار

25**إذا داركم بالسلوم نطلعها و إذا بنتكم حجبانة نعطيكم لوامحها و إذا عذبتونى روحو شوفو خاتمي في صبعها

26**قلبي معمر ودمى سابل أنت حبيبي مرة تغرب ومرة تشرق شكي تلك للعالي وإذا اكتبتلى تكون حلالي

27**يانجمة النجوم راكى ضاوية في السماء ورايح يجى وليد الحلال اللي يخرجك من لهموم ويسقيك بالماء

28**نسول عليك يا لحبيب والسوال خير من ألف هدية ساعة على ساعة نتفكر الزمان و نقول إن شاء الله يعيا ويولى ليا

29**يالاله من لا والى يا عرجون الدوالي سبع أيام و سبع ليالي ما ذقت نعمة
و حاجة ما تحلالى ما عرفت إذا من الغرام و الا من هبالي

كل واحد يقول واش هي البوقالة نتاعه
بوقلات جزائرية 3522064843

» جرب حظك مع بوقلات جزائرية
» بوقلات جزائرية شعبية
» بوقلات رائعة ادخل ولا تندم واختر
» لغاز جزائرية
» بوقالات جزائرية يلا.............